aabidamaan
அமெரிக்காவில் இலங்கை மாணவர்களின் எண்ணிக்கை 10 வீதமாக அதிகரித்துள்ளதாகவும் ஓபன் டோர்ஸ் ( Open Doors ) அறிக்கை வெளியிட்டுள்ளது.
2024 ஆம் ஆண்டிற்கான Open Doors Report on International Educational Exchange அறிக்கையின் வெளியீட்டை அமெரிக்க தூதரகம் வெளியிட்டுள்ளது. உலகத் தரமான கல்வியைத் தேடும் இலங்கை மாணவர்களுக்கு இது ஒரு நற்செய்தியாகும் மற்றும் இரண்டு நாடுகளுக்கிடையேயான வலுவான கல்வி உறவுகளை எடுத்துக்காட்டுவதாகவும் அமெரிக்கத்தூதரகம் அறிவித்துள்ளது.
மேலும், இலங்கை மற்றும் அமெரிக்காவுக்கு இடையிலான இராஜதந்திர உறவின் 75 ஆம் ஆண்டு நிறைவைக் கொண்டாடும் நிலையில், உலகின் 210க்கும் மேற்பட்ட நாடுகள் மற்றும் பிரதேசங்களைச் சேர்ந்த 1.12 மில்லியன் சர்வதேச மாணவர்களை அமெரிக்கா வரவேற்றதை வெளிப்படுத்துகிறது. இது அமெரிக்காவை உயர் கல்விக்கான முன்னணி இடமாக உறுதிப்படுத்துகிறது. மேலும், EducationUSA பெயரில் உலகளாவிய கல்வி ஆலோசனை வலையமைப்பு 25ஆவது ஆண்டும் கொண்டாடப்படுகிறது.
இது குறித்து அமெரிக்க தூதர் ஜூலி சங் கருத்து தெரிவித்த போது,
“அமெரிக்காவில் கல்வி பயிலும் இலங்கை மாணவர்களின் எண்ணிக்கை 10 வீதத்தில் அதிகரித்துள்ளது. அமெரிக்க பல்கலைக்கழகங்கள் இலங்கை மாணவர்களுக்கு உலகத் தரமான கல்வி, முன்தோற்றமான ஆராய்ச்சி என்பவற்றை வழங்குகின்றது. இவ்வளர்ச்சி, அமெரிக்கா மற்றும் இலங்கைக்கிடையிலான கல்வி ஒத்துழைப்பின் வலிமையை எடுத்துக் காட்டுகிறது. EducationUSA போன்ற திட்டங்கள் மூலமாக, இந்த கலாசார பரிமாற்றத்தில் ஆர்வமுள்ள மாணவர்களை ஆதரிப்பதற்கு முயற்சி செய்கிறோம்.” என்றார்.
