aabidamaan
இலங்கையில் நடைபெற்ற நாடாளுமன்ற தேர்தலில் தேசிய மக்கள் சக்தியிலிருந்து கொழும்பு மாவட்டத்தில் போட்டியிட்ட வேட்பாளர் ஹரிணி அமரசூரிய 655,289 விருப்பு வாக்குகளை பெற்று கொழும்பில் முதலிடம் பெற்றார். இதுவே பாராளுமன்ற வரலாற்றில் ஒரு வேட்பாளர் பெற்ற அதிகூடிய வாக்குகளாக இருந்தது.
இருப்பினும் அதேசமயம் கம்பஹா மாவட்டத்தில் தேசிய மக்கள் சக்தியில் போட்டியிட்ட வேட்பாளர் விஜித ஹேரத் 716 ,715 அதிகூடிய விருப்பு வாக்குகளை பெற்று பாராளுமன்ற வரலாற்றில் சாதனை படைத்துள்ளார்.
இதற்கு முன்னர் அதிக விருப்பு வாக்குகளை மஹிந்த ராஜபக்ஷ பெற்றிருந்தார்.
அவர் 2020 ஆம் ஆண்டு பாராளுமன்ற தேர்தலில் குருநாகல் மாவட்டத்தில் போட்டியிட்டு 527,364 வாக்குகளைப் பெற்றிருந்தார்.
இந்நிலையில் தேசிய மக்கள் சக்தி வேட்பாளர் ஹரிணி அமரசூரிய 655,289 பெருமளவான விருப்பு வாக்குகளையும், தேசிய மக்கள் சக்தி வேட்பாளர் விஜித ஹேரத் அதனை முறியடித்து 716 ,715 அதிகூடிய விருப்பு வாக்குகளை பெற்றுள்ளமை குறிப்பிடத்தக்கது.
