aabidamaan
கண்டியில் உள்ள மத்திய மாகாண ஆளுநர் காரியாலயத்தில், மத்திய மாகாண ஆளுநர் பேராசிரியர் எஸ்.பி.எஸ் அபேகோனும் இலங்கைக்கான கொரியக் குடியரசி தூதுவர் மியோன் லீ ஆகியோருக்கிடையில் நட்பு ரீதியான சந்திப்பொன்று இடம்பெற்றது.
இரு நாடுகளுக்கும் இடையே காணப்படும் நட்புறவு, கல்வி கலாச்சார, சமய, விஞ்ஞான தொழில் நுட்பத்துறைகள் தொடர்பாக கலந்துரையாடப்பட்டன.
மேலும், இலங்கையில் கொரியா மேற்கொண்டுள்ள முதலீடுகள் தொடர்பாகவும்,கொரியாவில் இலங்கையருக்கான தொழில் வாய்ப்பு தொடர்பாகவும் கலந்துரையாடல்கள் இடம்பெற்றுள்ளன.
மேலும் இருவருக்குமிடையில் உள்ள நட்பை மேலோங்கும் வகையில் நினைவுச் சின்னங்களும் பரிமாறப்பட்டன. இதேவேளை ஆளுநர் செயலாளர் மஞ்சுலா மடஹபொலயும் இச்சந்திப்பில் கலந்துகொண்டார்.
