aabidamaan
எதிர்வரும் 14ஆம் திகதி நடைபெற உள்ள பொதுத்தேர்தலுக்கான பிரச்சாரக் காலம் திங்கட்கிழமை (11) நள்ளிரவுடன் நிறைவடைகின்றது. இதன் படி, 11-ம் திகதி பிறகு, தேர்தல் முடிவுகள் அறிவிக்கபடும் வரை, பொதுத்தேர்தல் பிரச்சார நடவடிக்கைகள் அனைத்தும் தடைசெய்யப்பட வேண்டும் என்று தேர்தல் ஆணைக்குழு அறிவித்துள்ளது.
மேலும், தேர்தல் சட்டத்தை மீறுவோர் அல்லது தேர்தல் பிரச்சார நடவடிக்கைகளில் ஈடுபடும் நபர்களை பொலிஸாருக்கு கைது செய்யும் அதிகாரம் வழங்கப்பட்டுள்ளது.
அத்தோடு, தபால்மூலம் வாக்களிக்க தவறிய வாக்காளர்கள், இன்று (07) மற்றும் நாளை (08) திகதிகளில் அருகில் இருக்கும் மாவட்ட செயலகங்களுக்கு சென்று வாக்களிக்க அனுமதிக்கப்பட்டுள்ளதாக தேர்தல் ஆணைக்குழு அறிவித்துள்ளது.
