aabidamaan
கடவுசீட்டுக்களை பெற்றுக்கொள்ளவதில் இனி சிக்கல்கள் ஏற்படாது என அமைச்சரவை பேச்சாளர் விஜித ஹேரத் தெரிவித்துள்ளார்.
கடந்த அரசாங்கத்தின் கொள்கைகளின் காரணமாக கடவுசீட்டு விநியோகத்தில் ஏற்பட்டுள்ள பிரச்சினைகள் மற்றும் தற்போதைய அரசாங்கத்தின் மேற்கொண்ட நடவடிக்கைகள் பற்றியும் அவர் விபரித்துள்ளார்.
கடந்த அரசாங்கம், 750,000 கடவுசீட்டுகளை ஒரே சந்தர்ப்பத்தில் வழங்குவதற்கான ஒரு இணக்கப்பாட்டை எட்டாததால், தேவைக்கேற்ப கடவுசீட்டுகளை வழங்க முடியாத நிலைமை உருவாகியது. இதன் காரணமாக, மக்கள் கடவுசீட்டுகளைப் பெறுவதற்காக நீண்ட வரிசைகளில் நின்று அவதிப்படும் நிலை ஏற்பட்டுள்ளது.
எனினும், தற்போது இந்த நிலையை சமாளிப்பதற்காக புதிய நடவடிக்கைகள் எடுக்கப்பட்டுள்ளன. குறிப்பாக, கடவுசீட்டுக்கள் தொகுதி தொகுதியாக விநியோகப்படுகின்றன, மேலும் அவசர தேவைகளுக்கு ஏற்ப விண்ணப்பிக்கும் நபர்களுக்கு உரிய நேரத்தில் கடவுசீட்டை வழங்க நடவடிக்கை எடுக்கபட்டுள்ளது.
