aabidamaan
நாட்டில் ஏற்பட்டுள்ள சீரற்ற காலநிலை காரணமாக கல்வி பொதுத்தராதர உயர்தரப் பரீட்சை எதிர்வரும் டிசம்பர் 3 ம் திகதி வரை ஒத்தவைப்பதற்கு தீர்மானிக்கப்பட்டுள்ளதாக பரீட்சைகள் ஆணையாளர் நாயகம் அமித் ஜயசுந்தர தெரிவித்துள்ளார்.
அவர் மேலும் கூறுகையில்,
பரீட்சை ஒத்திவைப்பு தொடர்பான கலந்துரையாடல்கள் கல்வி அமைச்சர் பிரதமர் ஹரிணி அமரசூரிய தலைமையில் நேற்று இடம்பெற்றது.
இதன்படி கல்வி பொதுத்தராதர உயர்தரப் பரீட்சை எதிர்வரும் டிசம்பர் 4 ம் திகதி ஆரம்பமாகும்.
அதற்கமைய நவம்பர் 27 ம் திகதி இடம்பெறவிருந்த பரீட்சை டிசம்பர் 21 திகதியும், நவம்பர் 28 ம் திகதி நடைபெறவிருந்த பரீட்சை டிசம்பர் 23 ம் திகதியும், நவம்பர் 29 ம் திகதிக்கான பரீட்சை டிசம்பர் 27 திகதி இடம்பெறும்.
மேலும் நவம்பர் 30 திகதி நடைபெறவிருந்த பரீட்சை, டிசம்பர் 28 ம் திகதியும் , டிசம்பர் 2 ம் திகதி நடைபெறவிருந்த பரீட்சை , டிசம்பர் 30 ம் திகதியும் டிசம்பர் 3 ம் திகதி நடைபெறவிருந்த பரீட்சை டிசம்பர் 31 ம் திகதியும் இடம்பெறும் எனவும் அவர் தெரிவித்துள்ளார்.
