aabidamaan
தமிழக வெற்றிக் கழகம் என்ற கட்சியை தொடங்கிய விஜய் 2026ஆம் ஆண்டு நடக்கவிருக்கும் சட்டப்பேரவைத் தேர்தலில் போட்டியிடுகிறார்.
இந்நிலையில், கட்சியின் முதல் மாநில மாநாடு விக்கிரவாண்டியில் நடைபெற்றது.
சுமார் 8 லட்சம் பேர் கலந்துகொண்ட இம்மாநாட்டிற்கு 80 கோடி ரூபாய்வரை விஜய் செலவழித்ததாக தகவல் சொல்லப்படுகிறது.
இதனைதொடர்ந்து, நேற்று த.வெ.க நிர்வாகிகளிடம் விஜய் தலைமையில் நேற்று ஆலோசனை கூட்டம் நடைபெற்றது. த.வெ.க ஆலோசனை செயற்குழு கூட்டத்தின் போது 26 தீர்மானங்கள் நிறைவேற்றப்பட்டுள்ளது.
இந்நிலையில், அவர் புதிதாக தொலைக்காட்சி ஒன்றை ஆரம்பிக்கவிருப்பதாகவும் , அதற்கு தமிழ் ஒளி என்று பெயர் வைத்திருப்பதாகவும் கூறப்படுகிறது.
நாள் முழுக்க வாரம் முழுக்க ஒளிபரப்பாகும் செய்தி சேவையாக தமிழ் ஒளி இருக்கும் என்றும், அதற்கான அதிகாரப்பூர்வ அறிவிப்பு விரைவில் வரலாம் என்றும் எதிர்பார்க்கப்படுகிறது
